Қазақстанда өтетін ШЫҰ саммиті аясында Түркия Президенті Режеп Тайып Ердоған Ресей Президенті Владимир Путинмен келіссөз жүргізеді.
Еуразия Тудейдің хабарлауы бойынша Түркия Сыртқы істер министрі Хакан Фидан Habertürk телеарнасына берген сұхбатында Режеп Тайып Ердоған Астанада Владимир Путинмен кездесуді жоспарлап отырғанын мәлімдеді.
Ердоған мен Путин талқылайтын мәселелердің бірі екі ел президенттерінің соңғы мәлімдемелерімен қайта көтерілген Сирия мәселеcі болады деп күтілуде.
Сирия Президенті кеңсесінің хабарлауынша, Башар Асад Сирия мен Түркия қарым-қатынастын құру жөніндегі барлық бастаманы қолдайтынын мәлімдеді.
Асадтың бұл мәлімдемесінен кейін Ердоған Сирия президентіне хат жолдады. Сонымен қатар болашақта Асадпен кездесуі мүмкін екенін, Сириямен дипломатиялық қарым-қатынасты қалпына келтіруде ешқандай кедергі жоқ екенін айтты.
Путин мен Ердоған кездесуде Сирия мәселесінен басқа, Украинада жалғасып жатқан қақтығысты реттеу және экономикалық байланыс мәселелерін талқылайды.
Астанадан кейін Ердоған Әзірбайжанға аттанады.
Айта кетейік, шілденің 3-4 күндері Астанада ШЫҰ мүше мемлекет басшылары кеңесінің 24-ші отырысы басталады. Саммитте саяси, сауда-экономикалық және мәдени-гуманитарлық өзара іс-қимылдың өзекті мәселелері талқыланады.



















