Франция президенті Эммануэль Макрон X әлеуметтік желісінде Париж Газа секторынан кепілге алынғандардың бірінші тобының босатылуын құптайтынын мәлімдеді.
Эммануэль Макрон X әлеуметтік желісінде: «Мен кепілге алынғандардың бірінші тобының босатылуын құптаймын. Біз арағайындармен бірге барлық кепілге алынғандарды босатуға қол жеткізу үшін күш-жігерді жұмылдыруды жалғастырамыз. Француздық кепілге алынғандар мен олардың отбасыларына ерекше көңіл аударылады. Олар біздің шешімімізге иек арта алады», — деп жазды.
Кеше, жұма күні Франция Сыртқы істер министрлігі Газадағы 4 күндік атысты тоқтату бітімін тұрақты бітімге айналдыруды сұрады.
Al Jazeera телеарнасының хабарлауынша, Франция Сыртқы істер министрлігі мәлімдемеде қазіргі уақытша атысты тоқтату бітімін тұрақты бірімге айналдыруға мүдделік танытты.
Айта кетейік, Газа секторындағы сионистік режим мен Хамас қарсыласу қозғалысы арасындағы төрт күндік атысты тоқтату бітімі кеше, жұма, қарашаның 24 күні жергілікті уақыт бойынша таңғы сағат 7:00-ден бастап күшіне енді.
Хамас пен Израиль арасындағы соғыстан бері 47 күн өткеннен кейін Израиль режимінің кабинеті сәрсенбі, қарашаның 23 күні таңертең Катар мен Мысыр үкіметтерінің арағайындығымен жасалған атысты тоқтату келісімін қабылдады.



















