Иранның Жоғарғы көшбасшысы Моджтаба Хаменеи ғылым мен еңбек ұштаспаса, елдің дамымайтынын мәлімдеді.
Еуразия Тудейдің хабарлауы бойынша, бұл туралы Иранның Жоғарғы көшбасшысы Моджтаба Хаменеи Жұмысшылар күні мен Мұғалімдер күніне орай жариялаған үндеуінде айтты.
Моджтаба Хаменеи жолдауында: «Елдің дамуы үшін ғылым мен еңбектің бірлесе әрекет етуі басты шарт»,-деді.
Иранның Жоғарғы көшбасшысы педагогтың рөлі жай ғана білім беру аясынан әлдеқайда кең екенін атап айтып: «Мұғалім — келесі ұрпақтың тұлғалық қасиеті мен құндылықтарын қалыптастырушы.
Студенттер мен мектеп оқушыларының болашақтағы мінез-құлқы мен адамгершілік бейнесі олардың тәлімгерлерінің айнадағы көрінісіне айналады.
Жаһандық текетірес жағдайында мұғалімдер мәдени шайқастағы ең тиімді буын деп аталды»,-деді.
Сонымен қатар, аятолла Моджтаба Хаменеи еңбек ұғымының ауқымы кең екенін, оған қарапайым үй тірлігінен бастап, ірі зауыттар мен кен орындарындағы жұмыстардың барлығы кіретінін айтты.
Моджтаба Хаменеи жолдауында білікті жұмысшының қолы да ұстаздың қолы сияқты құрмет пен алғысқа лайық екенін баса айып: «Еңбекқорлық пен іске адалдық — табыстың кепілі.
Ел әскери жетістіктерден кейін назарын экономиканы дамытуға аударуы тиіс. Бұл істе басты жауапкершілік жұмысшыларға жүктеледі»,-деді.


















