Нигерия Ислам қозғалысының Бас хатшысы Ибраһим Закзаки сәрсенбі күні таңертең үй қамауынан кейін екінші шетелдік сапары ретінде Теһранға келді.
Шейх Закзаки мен оның әйелін Ирандағы нигериялық студенттер мен оның жақтастары Имам Хомейни атындағы халықаралық әуежайда қарсы алды.
Нигерия Ислам қозғалысының Бас хатшысын қарсы алуға келгендер қолында Палестина туы, шәһид генерал Қасым Сүлеймани мен шейх Закзакидің суреттері болды.
Әуежайға келгендер сионистік режимнің Палестина халқына қарсы агрессиялары мен қылмыстарын айыптай отырып, Құдсты босатуды қолдайтындықтарын білдірді.
Нигерия Ислам қозғалысының Бас хатшысы Ибраһим Закзаки және оның әйелі мен балаларының бірі 2014 жылы Нигерия армиясы мен полиция күштерінің шабуылы кезінде тұтқындалды. Бұл шабуылда 2 мыңға жуық адам шәһид болды. Шабуыл кезінде шейх Ибраһим Закзакидің үш баласы шәһид болды. Осы оқиғадан бір жыл бұрын Дүниежүзілік Құдс күні рәсімі кезінде Нигерия Исламдық қозғалысы Бас хатшысының тағы үш баласы да осы елдің полиция күштерінің қолынан шәһид болған еді.
Нигерия Ислам қозғалысының Бас хатшысы мен оның әйелі алты жылдан кейін барлық айыптардан ақталып, босатылды.



















