Иран бензин өндірісін 130 миллион литрге жеткізуді жоспарлап отыр.
Еуразия Тудейдің ИРНА агенттігіне сілтеме жасап хабарлауынша, Иранның Мұнай министрінің орынбасары және Ұлттық мұнай өңдеу және тарату компаниясының бас директоры Мохаммад Садеқ Азимифар 14-ші Үкіметтің соңына дейін бензин мен дизель отыны өндірісін тәулігіне 130 миллион литрге дейін ұлғайту жөніндегі стратегиялық мақсатын жариялады.
Азимифар баспасөз мәслихатында бұл мақсатқа жету үшін елінде жұмыс істеп тұрған мұнай өңдеу зауыттарын жаңғырту жобалары белсенді түрде жүзеге асырылып жатқанын және жаңа нысандар салу да жоспарланып отырғанын айтты.
Азимифар: “Шикізат пен мұнай өнімдерін тұрақты және уақытылы жеткізуді қамтамасыз ету — біздің басымдылығымыз.
Осы тұрғыда 14-ші Үкімет билікке келгеннен бері Хормозган провинциясы мен Бандар-Аббас қаласында екі стратегиялық маңызды жоба іске сәтті қосылды. Бірінші жоба Бандар-Аббас мұнай өңдеу зауытын Гуре-Джаск мұнай тасымалдайтын құбырына қосуды қамтиды.
Екіншісі, ұзындығы 460 шақырымды құрайтын Бандар-Аббастан Рафсанжанға мұнай өнімдерін тасымалдауға арналған жаңа құбырдың бірінші кезеңін қамтиды”,- деді.


















