Иран футбол құрамасы Орталық Азия футбол қауымдастығы ұйымдастырған «CAFA Nations Cup» халықаралық турнирінің финалына шықты.
Еуразия Тудейдің хабарлауы бойынша, кеше, бейсенбі, 4 қыркүйек күні Тәжікстанның Гиссар қаласында өткен матчта Иран мен Тәжікстан футбол құрамалары 2:2 есебімен тең түсті.
4 ұпай жинаған Тәжікстан құрамасын басып озған Иран құрамасы 7 ұпаймен финалға жолдама алды.
Ойынның бірінші таймында Мохаммадмеһди Мохебби алғашқы голды соқты. Ойынның екінші таймында Мохаммадмеһди Мохебби дубль арқылы екінші голды енгізді.
Иран мұның алдындағы ойындарда Ауғанстанды 3:1 есебімен, Үндістанды 3:0 есебімен жеңді.
30 тамыз бен 8 қыркүйек аралығында Өзбекстан мен Тәжікстанда Орталық Азия футбол қауымдастығы ұйымдастырған «CAFA Nations Cup» халықаралық турнирі өтеді.
Биылғы жарысқа Өзбекстан, Қырғызстан, Түркіменстан, Оман, Тәжікстан, Иран, Ауғанстан және Үндістан құрамалары қатысуда. Командалар екі топқа бөлінген. «А» тобында Өзбекстан, Оман, Түркіменстан және Қырғызстан құрамалары болса, «B» тобында Тәжікстан, Иран, Үндістан және Ауғанстан құрамалары бар.



















