Иран бүгін Ауғанстандағы Бас консулдығының сегіз қызметкерімен бірге қаза тапқан ирандық тілші Махмуд Саремидің құрметіне орай Журналистер күнін атап өтіп жатыр.
Еуразия Тудейдің хабарлауы бойынша, Махмуд Сареми 1996 жылдан бері Иранның Ауғанстандағы өкілдігін басқарды. Ол АҚШ пен басқа да Батыс елдерінің қолдауымен сол кездегі Талибан қозғалысы Ауғанстандағы билікті басып алған кезде де қауіп-қатерге қарамастан тәліптердің әрекеттерін батыл жазды.
Махмуд Сареми 1968 жылы Иранның Боруджерд қаласында дүниеге келіп, 1998 жылдың 8 тамызында Мазари-Шарифте қаза тапты.
Иран күнтізбесіндегі Журналистер күні Саремиді еске алумен байланысты. Сареми өз мамандығын бағалайтын, адал журналист болды.
Талибан қозғалысы Мазари-Шарифті басып алғаннан кейін Саремидің соңғы сөзі ИРНА агенттігінің сайтында жарияланды. Сол кездегі оның соңғы сөзі “Бүгін 1998 жылдың 8 тамызы. Менің атым — Махмуд Сареми. Мен ИРНА тілшісімін. Талибан Мазари-Шарифті басып алды. Олар Иран консулдығының жанында. Маған не істеу керектігін айтыңыздар” болды.
Иранда Журналистер күнін атап өту Сареми және қайтыс болған басқа журналистерге құрмет көрсетумен шектелмейді. Бұл күн олардың Иран қоғамындағы маңызды рөлін еске алу болып табылады.


















