Иранның Ұлттық қауіпсіздік жоғары кеңесі Қорғаныс кеңесін құруды мақұлдады.
Еуразия Тудейдің хабарлауы бойынша, Қорғаныс кеңесіне елдің қорғаныс стратегияларын қайта қарап, қарулы күштердің жауынгерлік мүмкіндіктерін орталықтандыратын түрде күшейту тапсырылады.
Кеңес Иран Конституциясының 176-бабына сәйкес құрылды.
Ұлттық қауіпсіздік жоғары кеңесі хатшылығының мәлімдемесінде: “Жаңа Қорғаныс кеңесі орталықтандырылған түрде қорғаныс жоспарларын қарастырып, Иран қарулы күштерінің мүмкіндіктерін арттырады” — деп жазылған.
Кеңесті ел Президенті Масуд Пезешкиан басқарады.
Кеңестің құрамына Ирандағы биліктің үш тармағының, жоғары әскери қолбасшылығының басшылары және тиісті министрліктердің өкілдері кіреді.
Жаңа Қорғаныс кеңесін құру туралы шешім ұлттық қауіпсіздік жүйесін кең ауқымды реформалау аясында Израильдің 13 маусымға қараған түні Иранға қарсы операциясы басталғаннан кейін бір жарым айдан соң қабылданды.


















