Иран Қарулы күштері Бас штабының басшысы генерал-майор Абдолрахим Мусави Тегеранның Катар Үкіметі және халқымен бірге екенін баса айтты.
Еуразия Тудейдің хабарлауы бойынша, Абдолрахим Мусави Израильдің Катарға жасаған лаңкестік әрекетіне пікір білдірді.
Бұл туралы Иран Қарулы күштері Бас штабының басшысы генерал-майор Абдолрахим Мусави Катар премьер-министрінің орынбасары және қорғаныс істері жөніндегі мемлекеттік министрі Сауд бен Әбдел Рахман Әл Танимен телефон арқылы сұхбатта айтты.
Мусави сұхбаттың басында Мұхаммед пайғамбардың (с.ғ.с.) туған күнімен құттықтап, сионистік режимнің Катарға жасаған лаңкестік әрекетін “қылмыстық акт” деп атады.
Генерал бұл оқиғаны Иран Ислам Республикасының жоғары лауазымды тұлғалары мен билігі қатаң айыптайтынын айтты.
Мусави президент Пезешкианның Катар әмірімен телефон арқылы сұхбатында және Иран Қарулы күштерінің Бас штабының да бұл қылмыстық әрекетті ресми түрде айыптағанына тоқталып: “Катарға шабуыл Американың мақұлдауы және рұқсатынсыз жасалуы мүмкін емес. Бүкіл әлем Батыстың тікелей және жанама қолдауынсыз сионистік режимнің қылмыс жасап, өмір сүруін жалғастыруы мүмкін емес екенін жақсы біледі”, -деді.
Айта кетейік, сейсенбі күні түстен кейін Израиль Катар астанасы Дохада ХАМАС келіссөз тобының мүшелерін нысанаға алды.


















