Палестина президенті Махмуд Аббас ақпан айында Ресейге баруы ықтимал. Бұл туралы Палестина президентінің кеңесшісі Махмуд әл-Хаббаш мәлімдеді.
Махмуд әл-Хаббаштың айтуы бойынша, Палестина президентінің Ресейге сапарының нақты күні әлі белгіленбеген. Алайда сапар ақпан айында жүзеге асады деп күтілуде.
РИА Новости агенттігінің мәліметінше, Махмуд Аббастың Ресейге сапары барысында Мәскеу мен Рамалла арасындағы екіжақты қарым-қатынас пен Таяу Шығыстағы соңғы кездердегі саяси ахуал талқыланады.
Айта кетсек, бұған дейін Ресей СІМ басшысының орынбасары Михаил Богданов Махмуд Аббастың Ресейге сапары 2023 жылғы 15 қарашаға жоспарланғанын мәлімдеді. Алайда сапар Палестина тарапының өтініші бойынша кейінге қалдырылды.



















