Еуразиялық экономикалық комиссияның деректері бойынша Қырғызстанда ең көп жас тұрады.
Еуразиялық экономикалық комиссияның «Цифрдағы демография. ЕАЭО статистикасы» статистикалық жинағының дерегінше, қырғызстандықтардың орташа жасы 28,3 жасты құрайды. Екінші орында Қазақстан – 32,1 жас.
Арменияда 2023 жылдың басында халықтың орташа жасы 37,4 жасты, ал Ресей мен Белорусьте сәйкесінше 40,7 және 41,2 жасты құрады.
ЕАЭО елдері арасында ең көп жас тұратын Қырғызстанда ер азаматтардың орташа жасы -27,4 жас, ал әйелдерде — 29,2 жас.
Еуразиялық экономикалық комиссияның «Цифрдағы демография. ЕАЭО статистикасы» жинағы екі жылда бір рет жарық көреді. Жинақта Еуразиялық экономикалық одақ елдеріндегі демографиялық жағдайды сипаттайтын негізгі көрсеткіштер беріледі.



















