Ресей қыркүйек айында 2022 жылдың мамыр айынан бері алғаш рет Еуропа Одағына ең ірі газ жеткізуші ел болды.
Еуразия Тудейдің РИА Новости агенттігіне сілтеме жасап хабарлауы бойынша, қыркүйек айында еуропалық компаниялар Ресейден құны 1,4 млрд еуро газ сатып алды.
Eurostat-тың мәліметінше, бұл 2024 жылдың тамыз айы мен 2023 жылдың қыркүйек айымен салыстырғанда үш есе көп.
Қыркүйек айындағы Ресейдің газ жеткізу көлеміндегі үлесі 23,74 пайызды құрады. Ал, тамыз айындағы көрсеткіш 16,54 пайызды құраған болатын. 2022 жылдың мамыр айында 22,9 пайызды құрады.
Алжир алдыңғы аймен салыстырғанда газ жеткізуді 15 пайызға қысқартты. Көшбасшылықты жоғалтқан Алжир газ жеткізудің 1,1 миллиард еуросымен екінші орынға ауысты.
Үшінші орынды иеленген Америка Құрама Штаттары қыркүйек айында газ сату көлемін 21 пайызға арттырып, 990,2 миллион еуроға жеткізді.
Төртінші орынға шыққан Норвегия газ жеткізу көлемін 7 пайызға арттырып, 975 миллион еуроға жеткізді.
Ұлыбритания газ жеткізуді 2,4 есе қысқартып, 429,2 миллион еуромен бесінші орында тұрақтады.



















