Ресей Сыртқы істер министрі Сергей Лавров жақын арада Иранға ресми сапармен барады.
Еуразия Тудейдің хабарлауы бойынша, бұл туралы Ресей Сыртқы істер министрлігінің ресми өкілі Мария Захарова мәлімдеді.
Захарова ТАСС агенттігінің сұрағына жауап беріп: “Иә, жақын арада мұндай сапар жоспарланған. Біз сапардың нақты күнін кейінірек ресми түрде жариялаймыз”, — деді.
Мұның алдында Иран Сыртқы істер министрлігінің баспасөз хатшысы Исмаил Бақайи Сергей Лавровтың алдағы бірнеше күнде Тегеранға келетінін мәлімдеді.
Бақайидың айтуынша, Лавровтың Тегеранға сапары Иран Ислам Республикасы мен Ресей Федерациясы арасындағы екіжақты қарым-қатынас пен әлемдегі және аймақтағы оқиғаларға қатысты кеңесулерді жалғастыруға бағытталған.
Бақайи Ресей СІМ басшысы Лавровтың ирандық әріптесі Аббас Арақчимен және Иранның басқа да ресми тұлғаларымен кездесетінін айтты.
Бұған дейін Мәскеудегі Ислам Республикасының Елшісі Казем Джалали Лавровтың Тегеранға сапары Ресей мен Иран қарым-қатынасын нығайтуға бағытталғанын, екі ел серіктестігінің тұрақтылығына сыртқы факторлар әсер етпейтінін мәлімдеген болатын.


















