Қасым-Жомарт Тоқаевқа саммиттің жоғары деңгейде өткізілуі, сонымен қатар қонақжайлығы үшін ризашылығын білдірген Қырғызстан Президенті 2024 жылы цифрлық форум өткізуді ұсынды.
Мұндай ұсынысты Қырғыз Республикасының президенті Садыр Жапаров Түркі мемлекеттері ұйымының (ТМҰ) мерейтойлық Х саммитінде айтты.
«Біз цифрлық даму саласындағы ынтымақтастығымызды дамытуымыз қажет. Цифрлық трансформациясыны ескеретін болсақ, креативті индустрия саласына ерекше көңіл бөлініп келеді. Қырғызстанда креативті өндірістік парк құрылды. Онда әртүрлі қызметтердің 99%-ы құрылған. Барлық бизнес өкіліне, жасампаз жастарға керемет мүмкіндіктер жасалған. Осы мүмкіндіктерді пайдалана отырып, біз цифрлық форумды ұйымдастыруымыз қажет», — деп ұсыныс айтты Жапаров.
Ол мүше және байқаушы мемлекеттердің қатысуымен 2024 жылы цифрлық форум өткізу қажеттігін атап өтті.
«2030 жылға дейінгі басымдықтар – кәсіпкерлікті қолдау, сонымен қатар халықаралық рейтингтерді қолдау, салықтық әкімшілік мәселелерін жеңілдету, кәсіпкерлердің құқығын қорғау бойынша шаралар біздің күн тәртібіміз аясында жан-жақты қаралып жатыр. Біз барлық елмен жан-жақты ынтымақтастыққа дайынбыз. Барлық қабылданып жатқан іс-шаралар тек қана өз мемлекеттеріміздің игілігі үшін ғана емес, сонымен қатар өмір үшін, өмірдің цифрлы дамуы саласында кедендік рәсімдерді жеңілдету бойынша қадамдар Түркі мемлекеттері ұйымының дамуына өз үлестерін қосып жатыр», — деп айтты Қырғызстан Президенті саммитте.
Сонымен қатар, Садыр Жапаров көшпенділер ойынының тізіміне қырғыз ойындарын енгізуді ұсынды.
«Спорттық-мәдени іс-шаралардың да маңызына ерекше тоқталғым келеді. 2024 жылы Көшпенділердің V ойыны өтеді. Сол арқылы спорт, мәдениет саласындағы ынтымақтастығымызды жалғастыруымыз керек. Біз көшпенділер ойынының тізбесіне қырғыз ойындарын енгізуді ұсынамын», — деді Қырғызстан Президенті.
Жапаров саммитте бұл көшпенділер ойынын өткізу барысында Қырғызстанда жасалған ойындар екенін атап өтті.
«Осы кезекте Қырғызстанды төрағалықты қабылдаумен құттықтаймын. Қырғыз Республикасы келесі саммитті 2024 жылы өткізуге әзір», — деді Садыр Жапаров саммитте.
Сондай-ақ Қырғыз Президенті Джалал-Абад қаласын 2025 жылы Түркі әлемінің орталығы ретінде жариялауды ұсынды.
«ТҮРКСОЙ, ТүркПА және Түркі академиясын, Мәдениет және мұра жөніндегі қорды дамытуды жалғастыру өте маңызды. Түрік университеттерін ұйымымызды дамытуға көмек көрсеткені үшін ризашылығымды білдіремін және туристік индустрияны, бағыттарды ілгерілету үшін бірігуге, Джалал-Абад қаласын 2025 жылы Түркі әлемінің орталығы деп атауға шақырамын. Қала Жібек жолы түйісіндегі жолдардың бірінде орналасқан. Туризмді дамыту өте маңызды», — деді Садыр Жапаров.



















