Ресей киносы және анимациясының апталығы Ашхабадта 9-14 маусым аралығында өтеді. Бұл туралы Ресей Федерациясының Түркіменстандағы Елшілігінің бірінші хатшысы Юлия Зайцева мәлім етті.
Алты күн ішінде «Ашхабад» және «Беркарар» кинотеатрларында Түркіменстан астанасының тұрғындары мен қонақтарына ресейлік кинематографистердің жаңа туындыларын, сондай-ақ үздік анимациялық фильмдерді көруге мүмкіндік беріледі.
Анимациялық фильмдер арасында «Чебурашка», «Волшебники» сынды туындылар бар.
Сондай-ақ, 11 маусымда «Ресей Күні» мерекесіне арналған концерт өткізу жоспарлануда.
Ресей киносының апталығы Ашхабадта өтетін жыл сайынғы мәдени шара.
Өткен жылы ұйымдастырылған іс-шарада Александр Домогаровтың «Пальма», Николай Хомерикидің «Белый снег», Олег Погодиннің «Конек-Горбунок», Александр Карпиловскийдің «Честное пионерское» сынды туындылары көрсетілген болатын.
«Ресей Күні» — жыл сайын 12 маусымда атап өтілетін Ресей Федерациясының маңызды ресми мерекесі.



















