Ұлыбритания Қорғаныс министрлігі Украинаға ел тарихындағы ең үлкен әскери көмек пакетін беретінін мәлімдеді.
Еуразия Тудейдің Euromaidan Press басылымына сілтеме жасап хабарлауы бойынша, бұл пакетке 500 млн фунт және Украинаның Ресей шабуылдарынан қорғанысын нығайту үшін маңызды қару-жабдықтар кіреді.
Ұлыбритания билігі ұсынған кешенді көмек пакеті 4 миллион атыс қаруының оқ-дәрілері, 1600-ден астам зымырандар мен 400 техника, оның ішінде 160 Husky броньды көлікті қамтиды. Бұл елеулі қолдау Ұлыбританияның Украинаның егемендігі мен аумақтық тұтастығына деген адалдығын көрсетеді.
Украина Қорғаныс министрінің айтуынша, украин күштері күніне Ресейге қарағанда оқ-дәрілердің үштен бірінен азын пайдаланады. Украинаның қажеттіліктері айына 200 000, ал күніне 6 600 оқсауытты құрайды.
Ұлыбритания Премьер-министрі Риши Сунак бұған дейін оқ-дәрілерді, әуе шабуылына қарсы қорғаныс жүйелерін және ұшқышсыз ұшу аппараттарын дереу сатып алу үшін 500 миллион фунт көлемінде қосымша қаржы бөлінгенін атап өткен болатын.



















