Қырғыз Республикасы Министрлер кабинеті төрағасының бірінші орынбасары Адылбек Касымалиев қырғыз тілінде сөйлеуге және түсінуге үйретілген жасанды интеллектті таныстырды.
КР Министрлер кабинеті баспасөз қызметінің хабарлауы бойынша Касымалиев «Digital Almaty 2024: Industry X» халықаралық цифрлық форумының пленарлық отырысында сөйлеген сөзінде былтырғы форумда «Алиса» және «Siri» сияқты танымал дауыс көмекшілердің қырғыз тілінде сөйлемейтіндігіне алаңдаушылық білдірілгенін айтып, бүгінде өз елінің мамандары жасанды интеллектті қырғыз тілінде сөйлеу және түсінуге үйреткенін хабарлады.
Ол цифрлық диктордың Қырғызстанның мемлекеттік радиоарналарынан жаңалықтарды оқып жатқанын, бір қызығы, мұны ешкімнің байқамағанын атады.
Әділбек Қасымалиев келесі маңызды қадам ретінде азаматтарға ғана емес, сонымен қатар мемлекеттік қызметкерлер мен құқық қорғау органдарына да заңгерлік кеңес беруге мүмкіндік беретін жасанды интеллектті осы елдің заңнамасында оқытуды атады.
Айта кетейік, ақпан айының 1-3 күндері Алматы қаласында «Digital Almaty-2024»: «Х индустриясы — Болашақтың цифрлық эволюциясы» атты цифрлық форум өтті.
Биыл алтыншы рет өткен форумға ШЫҰ мен ЕАЭО елдерінің мемлекет қайраткерлері, әлемнің жетекші сарапшылары мен кәсіпкерлер қатысты.



















