Өзбекстандағы В. Вахидов атындағы Республикалық хирургия орталығы Қытайдың медициналық технологияларын енгізуді жоспарлап отыр.
Бұл туралы Өзбекстан Денсаулық сақтау министрлігінің баспасөз қызметі хабарлады.
Ақпаратқа сәйкес, медициналық технологияларды енгізу В.Вахидов атындағы Республикалық мамандандырылған ғылыми-практикалық хирургия орталығы мен Қытайдың Чжэцзян медициналық университеті арасында жасалған келісім аясында жүзеге асырылады.
Аталмыш келісім Өзбекстанда трансплантологияны одан әрі өрістету және елде осы сала бойынша өзбек мамандарын даярлауға бағытталған.
Өзбекстан соңғы жылдары халықты денсаулық сақтау жүйесінің көрсетілетін қызметтерімен қамтамасыз ету үшін денсаулық сақтау жүйесін ауқымды жаңғыртуды бастады.
Айта кетейік, Өзбекстанның Денсаулық сақтау министрлігі 2024 жылғы қаңтар айында Қытайдың Henan Costar Group компаниясымен электр жедел жәрдем көліктерін сатып алу туралы келісімге қол қойды.



















