Иран Cыртқы істер министрлігінің баспасөз хатшысы Насер Канани Боливиядағы мемлекеттік төңкерісті қатаң айыптайтынын мәлімдеді.
Еуразия Тудейдің хабарлауы бойынша, Насер Канани Боливиядағы заңды үкіметке жасалған шабуылды айыптап, осы елде тәртіпті қалпына келтіруді қалайтынын айтты.
Сәрсенбі, 26 маусым күні Боливияда әскери адамдардар осы ел президентінің ресми резиденциясы мен парламент ғимараты орналасқан орталық алаңды басып алды. Боливия БАҚ-ның мәліметінше, президент разиденциясына басып кіруге әрекеттенген топты армия қолбасшысы қызметінен босатылған генерал Хуан Хосе Суньига бастаған.
Боливия Президенті Луис Арсе демократияны құрметтеуге шақырып, оқиғаны «төңкеріс әрекеті» деп атады. Луис Арсе халыққа бүлікшілерді қолдамағаны үшін алғыс білдірді.
Боливиядағы оқиғадан кейін бірқатар шет елдердің басшылары Боливияның заңды президентіне қолдау білдірді.
Ла-Пас алаңындағы тәртіпсіздіктер шамамен үш сағатқа созылды. Осы уақыт ішінде Боливия Президенті резиденция ішінде болып, халыққа үндеу тастады.
Төңкеріс басында тұрған генерал Суньига және тағы екі әскери қолбасшы қамауға алынды. Төңкеріс салдарынан тоғыз адам жарақат алды.


















