Аббас Арақчи Иран, Сирия және Ирак Сыртқы істер министрлерінің үшжақты отырысының қорытындысына тоқталып, бірінші кезекте Сирия Үкіметі мен халқына лаңкестік және тәкфиршіл топтармен күресте қолдау көрсету керек екенін баса айтты.
Еуразия Тудейдің ИРНА агенттігіне сілтеме жасап хабарлауы бойынша, кеше, 6 желтоқсан күні кешке Иран, Ирак және Сирия Сыртқы істер министрлерінің баспасөз мәслихаты Бағдадта Сириядағы ахуалға арналған үшжақты отырыс аяқталғаннан кейін өтті.
Аббас Арақчи осы отырыста Сириядағы лаңкестік және тәкфиршіл топтардың шабуылдарды АҚШ пен Израильдің қастандығы аясында жасап отырғанын қуаттады.
Иран СІМ басшысы әрі қарай әрекет жасауға келіскендерін айтып: “Сирия мәселесі және Сирия Үкіметі мен халқына бағытталған қауіп-қатер, сондай-ақ, олардың басқа елдер мен бүкіл аймақ үшін салдары туралы пікір бірлігі бар. Біз Ирак билігімен кеңестік. Сондықтан, аймақтық деңгейде де, халықаралық деңгейде де қызметімізді бірге жалғастырамыз.
Бүгін Иран, Ирак және Сирияның үшжақты кездесуі өтті. Менің әріптестерім егжей-тегжейлі түсініктеме берді. Мен тек осы отырыста үш негізгі мәселе көтерілгенін айтқым келеді.
Ең бастысы, Сирия Үкіметі мен халқына лаңкестік және тәкфиршіл топтармен күресте қолдау көрсету қажет.
Бұл қастандықтағы Израильдің рөлін елемейтіндер қателеседі.
БҰҰ лаңкестік ұйым деп таныған “Хайат Тахрир аш-Шам” және басқа да тәкфиршіл лаңкестік топтар Сирия Үкіметі мен халқы және армиясы соғысып жатқан Сирия халқы мен Үкіметіне қарсы шабуыл жасады”,- деп баса айтты.


















