Иран Ислам Республикасы 2025 жылғы Жаһандық инновациялар индексінде (GII) ислам елдері арасында 11-ші орынға көтерілді.
Еуразия Тудейдің хабарлауы бойынша, Иран Жаһандық инновациялар индексінде (Global Innovation Index) ислам елдері арасында 11-ші орынға, 139 мемлекеттің экономикасы сараланған жалпы рейтингте 70-ші сатыға көтерілді.
Жаһандық инновациялар индексі инвестициялық бағыттарды, технологиялық дамуды, инновацияларды енгізу қарқынын және олардың әлеуметтік-экономикалық әсерін бағалайды. 2025 жылғы есеп бойынша ислам елдері арасында көшбасшылар қатарында Біріккен Араб Әмірліктері мен Малайзия бар.
Иран 2015 жылғы 106-шы орыннан 2025 жылы 70-ші орынға дейін көтеріліп, соңғы он жылда айтарлықтай өсім көрсетті. Елдің ең жоғары көрсеткіші 2022 жылы тіркелді. Осы жылы Иран 53-ші орынды иеленді.
Иран өткен жылмен салыстырғанда «білім мен технология саласындағы нәтижелер» субиндекстерінде өз позициясын жақсартып, 49-шы орыннан 46-шы орынға орналасты. Әсіресе, Тегеран «білімнің ықпалы» көрсеткіші бойынша әлемде 24-ші орынға шығып, үздік нәтиже көрсетті.
Табыс деңгейі орташадан жоғары 36 елдің ішінде Иран 17-ші орында орналасқан. Ал 2024 жылы ел табысы орташадан төмен мемлекеттер арасында 5-ші орын алған болатын.
Индекс деректеріне сәйкес, Қытай алғаш рет әлемдік рейтингтің алғашқы ондығына енді. Сонымен қатар, 2013 жылдан бері табыс деңгейі орташа елдер арасында Ираннан бөлек, Үндістан, Вьетнам, Индонезия және Марокко едәуір ілгерілеу көрсетті.
Сарапшылардың айтуы бойынша, қазіргі уақытта Орталық және Оңтүстік Азия, сондай-ақ Таяу Шығыс аймақтарында инновациялық дамудың тұрақты үрдісі байқалуда.


















