Иранның жастар құрамасы ауыр атлетикадан Мысырда өткен әлем чемпионатында чемпион атанды.
Еуразия Тудейдің хабарлауы бойынша, ирандық спортшылар Мысырдың Исмаилия қаласында өткен жасөспірімдер арасындағы ауыр атлетикадан жоғары нәтиже көрсетті.
6 алтын, 7 күміс және 1 қола медаль жеңіп алған жастар құрамасы Иранның ауыр атлетикадан әлемдегі ең мықты елдердің бірі екенін тағы дәлелдеді.
Иранның Спорт және жастар министрі Ахмад Дониамали спортшылар мен жаттықтырушылар құрамына құттықтау хат жолдап: «Жас спортшыларымыздың әлем биігінен көрінуі Иранның ауыр атлетикасындағы асқақ абыройдың қайта оралғанын білдіреді. Бұл — халықаралық жарыстар мен Олимпиада ойындарындағы жаңа жеңістерге жол ашатын нық қадам», -деді.
Айта кетейік, Мысырдың Исмаилия қаласында өткен жасөспірімдер арасындағы ауыр атлетикадан әлем чемпионатының қорытындысы бойынша Иран құрамасы 6 алтын, 7 күміс және 1 қола медаль, 520 ұпаймен бірінші орынды жеңіп алды. Мысыр 427 ұпаймен екінші, ал Венесуэла 380 ұпаймен үшінші орын алды.
Ауыр атлетикадан жасөспірімдер арасындағы әлем чемпионаты Мысырдың Исмаилия қаласында 2026 жылдың 2-8 мамыр аралығында өтті.


















