Баку БРИКС-ке қосылуға ниет білдірді.
Еуразия Тудейдің хабарлауы бойынша, бұл туралы Санкт-Петербургте өткен Х БРИКС елдері парламенттері басшыларының отырысы барысында Әзірбайжан Милли Мәжілісінің төрағасы Сахиба Гафарова мәлімдеді.
Гафарова пленарлық отырыс кезінде сөз сөйлеп, елінің сыртқы саясатында ынтымақтастықты басты орынға қоятынын, оның ішінде БРИКС-пен ынтымақтастық та барын атап өтті.
Әзірбайжан Милли Мәжілісі төрағасының айтуы бойынша, Баку БРИКС-ке қосылуға ниетті.
Гафарованың пікірінше, парламенттік деңгейдегі ынтымақтастықты дамыту бұл мақсатқа қол жеткізуге ықпал етеді. Гафарова қос стандарттарды болдырмау үшін халықаралық парламенттік платформалар аясында шынайы диалог орнату қажеттігін қуаттады.
11-12 шілде күндері Санкт-Петербургтің Таврия сарайында Ресейдің Брикске төрағалығы аясында Х БРИКС елдері парламенттері басшыларының отырысы өтті.
БРИКС 2006 жылы құрылды. Бастапқыда оған Бразилия, Ресей, Үндістан және Қытай кірді. 2011 жылы Оңтүстік Африка бірлестікке қосылды. 2024 жылдан бастап Мысыр, Иран, БАЭ, Сауд Арабиясы және Эфиопия топтың толық мүшесі болды.



















