Әзірбайжанның Тегерандағы Eлшілігі алдағы 15-20 күнде қайта ашылады.
Еуразия Тудейдің IRNA агенттігіне сілтеме жасап хабарлауы бойынша, Иран Сыртқы істер министрлігі Еуразия департаментінің Бас директоры Моджтаба Дамирчилу Әзірбайжанның Тегерандағы елшілігінің жақын арада ашылатынын айтты. Дамирчилу: «Әзірбайжан Республикасының Ирандағы Елшілігі алдағы күндері қайта ашылып, осы елдің елшісі қызметіне кіріседі. Біз бұл іс 15-20 күнде жүзеге асырылады деп күтеміз»,- деді.
Сондай-ақ, Иран Сыртқы істер министрлігі Еуразия департаментінің Бас директорының айтуынша, Иран Әзірбайжандағы жаңа елшісін жаңа Үкімет құрылғаннан кейін тағайындайды. Дамирчилу 14-ші Үкімет Әзірбайжанмен байланысқа ерекше назар аударатынын және қарым-қатынасты дамытудың жарқын перспективаларын күтетінін мәлімдеді.
Өткен жылдың қаңтар айында Әзірбайжанның Тегерандағы елшілігіне жасалған шабуылдан кейін екі ел арасындағы қарым-қатынас шиеленісе түсті. Фазил Мұстафаға жасалған қастандықты Әзірбайжан билігі Ираннан көрді. Жергілікті барлау агенттіктері бұл оқиғаны террористік акт деп атады.
Екі ел арасындағы қарым-қатынас 2020 жылғы Қарабақ соғысынан кейін де күрделене түскен еді. Биыл мамыр айында Әзірбайжан Сыртқы істер министрлігінің ресми өкілі Айхан Гаджизаде елінің Тегерандағы елшілігінің жаңа орны анықталғанын мәлімдеді. Гаджизаде соңғы бірнеше айда Әзірбайжан мен Иранның тиісті органдары арасында тұрақты байланыс жасалып, келіссөздер өткізілгенін айтты.


















