Ашхабадта күрестен XIV Әлем чемпионаты ашылды.
Салтанатты рәсім Орталық Азиядағы ең ірі спорт нысаны Олимпиадалық қалашықтың жекпе-жек өнері спорт кешенінде өтті.
Стадионға 5 мыңнан астам көрермен жиналды. Олар әлемдік ауқымдағы іс-шараға қатысушы 53 елдің мемлекеттік туларының құрметті шеруін тамашалады.
Салтанатты рәсім барысында Түркіменстан Президенті Сердар Бердімұхамедовтың атынан чемпионаттың ашылуымен құттықтаған сөзі оқылды.
Сердар Бердімұхамедов құттықтау сөзінде іс-шараның әлемдік спорт тарихындағы маңызды оқиға болатынына сенім білдірген.
Әлем чемпионатының ашылуында дәстүр бойынша Халықаралық күрес қауымдастығының (International Kurash Association) өкілі Үндістанның Пуна қаласынан чемпионатты өткізу эстафетасын Ашхабад қаласына тапсырды. Ұйымдастырушылардың мәліметінше, шараға әлемнің 50-ден астам елі мен өңірінен 500-ге жуық спортшы келген. Чемпионат 28 қарашаға дейін жалғасады.
Күрес — Орталық Азиядағы дәстүрлі спорт түрі. Күрестің осы түрінен Әлем чемпионаттары 1999 жылдан бастап өткізіле бастады. Еске сала кетсек, күрестен 13-ші әлем чемпионаты былтыр 23-28 қараша аралығында Үндістанның Пуна қаласында өтті. Чемпионатқа 60 елдің балуандары қатысты.



















