Бейжің форумы аясында өткен іскерлік конференция мүшелері жалпы құны 97 миллиард доллардан асатын ынтымақтастық келісіміне қол қойды.
Бұл туралы Қытай Халық Республикасының төрағасы Си Цзиньпин мәлімдеме жасады.
Си Цзиньпин айтуынша, Қытайдың «жасыл» инфрақұрылым, «жасыл» энергетика және «жасыл» көлік салаларындағы ынтымақтастықты тереңдететінін және «Бір белдеу, бір жол» аясында «жасыл» даму үшін халықаралық альянсқа қолдауды күшейтеді.
«Бір белдеу, бір жол» форумы аясында 150-ге жуық мемлекет пен 30-дан астам ұйым ынтымақтастық туралы құжатқа қол қойды.
Айта кетсек, Мемлекет басшысы Қасым-Жомарт Тоқаевтың ҚХР-ға ресми сапарының аясында жалпы құны 16,54 миллиард доллар болатын 30 коммерциялық құжатқа, соның ішінде инвестициялық, сауда келісімдеріне, өндіріс технологиясын беру, кредит желісін ашу және тағы да басқа бағыттарды қамтитын келісімшарттарға қол қойылды.
Еске сала кетсек, Қытай астанасы Бейжіңде «Бір белдеу, бір жол» халықаралық ынтымақтастығының III форумы өтті.
ҚХР Төрағасы Си Цзиньпин бастамашылық еткен «Бір белдеу, бір жол» жобасына биыл 10 жыл толды.
Форумның басты тақырыбы – «Бір белдеу, бір жолдың» жоғары сапалы құрылысы, ортақ даму мен гүлденуге бірлесіп жету».



















