Иран Сыртқы істер министрінің құқықтық және халықаралық мәселелер жөніндегі орынбасары Казем Ғарибабади Иран халқының қысымға мойынсұнбайтынын мәлімдеді.
Еуразия Тудейдің хабарлауы бойынша, бұл туралы Казем Ғарибабади Х әлеуметтік желісіндегі парақшасында жазды.
Иран Сыртқы істер министрінің орынбасары Казем Ғарибабади 1953 жылғы 19 тамыздағы мемлекеттік төңкеріс АҚШ пен Ұлыбританияның Иран халқының еркіне және өзін-өзі билеу құқығына жасаған тікелей қолсұғушылығы болғанын жазды. Иран Сыртқы істер министрінің орынбасары: «Бұл тарихты ақтауға да, ұмытуға да болмайды. Бұл- халықтың егемендік құқығына қолсұғушылық. Ұрпақтар ауысқанымен, ақиқат өзгермейді. Тағдырын шетелдіктердің қолына тапсырған ел оның ауыр зардабын тартады. Алайда бүгінгі Иран өз тағдырын өзі айқындайды. Халқымыз қысым алдында шегінбейді және кез келген қауіп-қатер мен үстемдікке қарсы бұрынғыдан да берік ұстанымын сақтайды»,-деді.
Сонымен қатар, бұған дейін Иран Ислам кеңесі Мәжілісінің төрағасы Мохаммад Бақер Қалибаф АҚШ-тың қысымды күшейту арқылы Тегеранды ешқашан өзара түсіністік декларациясында қарастырылмаған талаптарға көндіре алмайтынын мәлімдеп, АҚШ Қаржы министрі Скотт Бессент пен Қорғаныс министрі Пит Хегсеттің өз міндеттерін тиісті деңгейде атқара алмай отырғанын баса айтқан болатын.


















