Индонезияның Ява аралындағы Geong Banyumas туристік аймағында туристер үшін танымал Geong шыны көпірінен құлаған турист қайтыс болды.
Шыны көпірден өткен төрт турист құлап, олардың біреуі қайтыс болды.
Оқиға 25 қазан, сәрсенбі күні таңғы сағат 10 шамасында Орталық Ява Баньюмас округінің Лимпакувус қаласында орналасқан туристік аймақта орын алған.
«Туристер басқан әйнек сынған кезде, олардың екеуі көпірдің тіректерін ұстап қалған, ал қалған екеуі құлап кеткен», — дейді Банюмас полициясының бастығы, полиция комиссары Эди Суранта Ситепу.
Полицияның мәліметінше, қайғылы оқиға орын алған жерде 11 туристтен тұратын топ болған. Оқиға орнында қаза тапқан әйел 49 жастағы Индонезия азаматы. Тағы бір турист ауыр жарақат алған.
Оқиғаға байланысты сараптама жүргізу мақсатында шыны көпір жабылды.
«Біз орын алған оқиғаға байланысты сараптамалар мен тергеулер жүргізетін боламыз. Қазіргі уақытта оқиға болған жерде жұмыс істеп жатырмыз»,-дейді Эди Суранта Ситепу.
Анықтама: Шыны көпірлер- туристер арасында өте танымал аттракцион. Ең үлкен көпірлер Вьетнамда орналасқан-Бах Лонг (үлкен айдаһар) ұзындығы 632 метр. Қытайдың Хунань провинциясындағы Чжанцзяцзедегі алқап үстіне керілген шыны көпір. Оның ұзындығы — 430 метр.Тбилисиден шамамен 100 километр жерде орналасқан Цалка қаласының сыртындағы Цалка каньоны үстінен салынған 240 метрлік шыны көпір.
Қытайдың солтүстігіндегі Хэбэй провинциясындағы Шицзячжуан қаласындағы шыны көпір екі ғимаратты байланыстырады және ол Қытайдағы алғашқы қалалық шыны көпір болып саналады. Оның ұзындығы 100 метр және жерден 30 метр биіктікте орналасқан.



















