Ирак билігі ұлттық қауіпсіздікке байланысты бұғатталған Telegram мессенджеріне тыйым салуды қайта алып тастау туралы шешім шығарды.
Telegram мессенджеріне тыйым салуды қайта алып тастауға қатысты шешім Telegram басшылығының ресми мемлекеттік мекемелердегі қолданушылардың жеке деректері мен ақпаратын таратып жіберетін арналар туралы сұраған талаптарына жауап бергеннен кейін қабылданған.
Айта кетсек, тамыз айының басында Ирак байланыс министрлігі ұлттық қауіпсіздікке байланысты елде Telegram қосымшасы ресми бұғатталғанын мәлімдеген болатын.
«Telegram-ды бұғаттау туралы шешім ұлттық қауіпсіздік жөніндегі жоғары органдардың директивасына сәйкес және азаматтардың жеке деректерін қорғау мақсатында қабылданды», — деп мәлімдеген болатын ведомство.
Мессенджер 6 тамыз, жексенбі күні түсте бұғатталып, Бағдад тұрғындары жаңа хабарламаларды аша алмаған. Бірақ, VPN арқылы қосылатын қолданушылар қосымшаны бұрынғыша пайдаланып отырған.



















