Иран Каспий итбалықтарын қорғау мақсатында Гилан провинциясындағы Боджақ ұлттық паркінде итбалықтарды сақтауға, емдеуге және зерттеуге арналған орталық ашты.
Еуразия Тудейдің хабарлауы бойынша, Иранның Қоршаған ортаны қорғау департаменті басшысының орынбасары Ахмад Реза Лаһиджанзаде аталмыш орталықтың құрылуы жойылып бара жатқан итбалық түрлерін қорғаудың ұлттық және өңірлік бағдарламаларын жүзеге асыруда маңызды қадам болатынын баса айтты.
Ахмад Реза Лаһиджанзаденің айтуы бойынша, орталық Қызыл кітапқа енген жануарлардың қырылу себептерін зерттеуге арналған мамандандырылған ветеринарлық және ғылыми кешенге айналуы мүмкін. Ахмад Реза Лаһиджанзаде: “Иран билігі балықшыларды жаралы жануарларды тапқан кезде жылдам әрекет етіп, оларды тез арада орталыққа қалай жеткізу қажеттігін үйретуді жоспарлап отыр.
Сондай-ақ, итбалықтарды бақылау үшін ұшқышсыз ұшқыштарды да қолдану ұсынылуда. Мұндай шаралар сүтқоректілердің қырылуын азайтады”,- деді.
Соңғы жылдары Каспий теңізінің оңтүстік жағалауында өлі итбалықтар жиі кездесуде. Бұл жағдай экологтерді қатты алаңдатып отыр.
Иранның Қоршаған ортаны қорғау департаменті өткен жылдың қараша айында Каспий итбалығын сақтау жөніндегі ұлттық іс-қимыл жоспарын іске қосты.
Жоспарда Нұр ауданында ғылыми зерттеулерді кеңейту, департаменттің аймақтық бөлімшелері арасындағы ынтымақтастықты нығайту және құтқару топтарының дайындық деңгейін арттыру қарастырылған.
Сонымен қатар, Иран Каспий маңының басқа да елдерімен бірге бағалаудың бірыңғай тәсілін әзірлеуде.
Айта кетейік, Каспий итбалығы Халықаралық табиғатты қорғау одағының Қызыл кітап тізіміне енгізілген жалғыз теңіз сүтқоректі болып табылады. Каспий итбалықтарының саны соңғы онжылдық а түрлі себепке байланысты шамамен бір миллионнан 70 мыңға дейін азайған.


















