Иран Ислам Республикасы сыртқы істер министрлігінің басшысы Әли Бақери елінің делегациясын бастап, Ирак астанасына келіп жетті.
Еуразия Тудейдің ISNA агенттігіне сілтеме жасап хабарлауы бойынша, Иран Ислам Республикасы Сыртқы істер министрлігінің басшысы Әли Бақери бүгін, бейсенбі күні таңертең Бағдад әуежайына келді. Бақериді әуежайда Ирак Сыртқы істер министрінің орынбасары Мохаммад Хоссейн Бахр Әл-Улум және Иран Ислам Республикасының Бағдадтағы елшісі қарсы алды.
Иран Сыртқы істер министрлігінің басшысы Бағдадқа келгеннен кейін Ирак Сыртқы істер министрінің орынбасарымен бірге Иранның генералы марқұм Қасем Сүлеймани мен Ирактың халықтық жұмылдыру күштерінің орынбасары Әбу Мәһди әл-Мохандисті еске алып, ескерткіштеріне гүл шоқтарын қойды.
Әли Бақери сапар барысында Ирак елінің жоғары лауазымды тұлғаларымен кездеседі. Бақери келіссөздер барысында екі дос және бауырлас елдердің ортақ мүдделері, қауіпсіздік мәселелері мен қауіп-қатерлеріне қарсы тұру, аймақ елдерінің қауіпсіздігі, аймақтық және халықаралық мәселелерді талқылайды деп күтілуде.
Еске сала кетейік, Құдс күштерінің бұрынғы қолбасшысы Қасем Сүлеймани мен Ирактың халықтық жұмылдыру күштерінің орынбасары Әбу Мәһди әл-Мохандис 2018 жылы Бағдад әуежайының жанында қаза тапты.


















