Тегеранға ресми сапармен келген Cингапур елінің арнайы өкілі Онг Кунг Йонг жексенбі күні түстен кейін Әли Бақеримен кездесті.
Еуразия Тудейдің хабарлауы бойынша, Сингапур Сыртқы істер министрінің арнайы өкілі Онг Кунг Йонг Азия ынтымақтастығы диалогы форумы сыртқы істер министрлерінің 19-шы отырысына қатысу үшін Тегеранға сапармен келді.
Иран Сыртқы істер министрі міндетін атқарушы Әли Бақери Онг Кунг Йонгмен кездесуінде Иран мен Сингапур арасындағы экономикалық және сауда салаларындағы қарым-қатынасты кеңейтуге және ілгерілетуге дайын екенін атап, екі ел арасындағы өзара түсіністік туралы келісімдер мен меморандумдарды пысықтау қажеттігін баса айтты.
Сингапурдің арнайы өкілі Онг Кунг Йонг елінің екіжақты деңгейде екі ел арасындағы қарым-қатынасты, аймақтық және халықаралық ынтымақтастықты дамытуға және кеңейтуге дайын екенін атап өтті.
Сондай-ақ, Онг Кунг Йонг екі ел арасындағы қарым-қатынасты дамыту мен кеңейтуді және қолданыстағы әлеуетті пайдалануды жоспарлау мақсатында екі ел шенеуніктерінің өзара іс-қимылы мен өзара сапарларын күшейту қажеттігіне ынта танытты.


















