Кеше, бейсенбі күні Иранның СІМ басшысы марқұм Амир Абдуллаһианның бюсті ресми түрде ашылды.
Еуразия Тудейдің IRNA агенттігіне сілтеме жасап хабарлауы бойынша, іс-шараға Амир Абдуллаһианның отбасы және Иран Ислам Республикасының Телерадио корпорациясының (IRIB) бас директоры Пейман Джебели қатысты.
Пейман Джебели шара барысында сөйлеген сөзінде Хоссейн Амир Абдуллаһианның жоғары дәрежелі дипломат болғанын және оның қолдауымен жүзеге асырылған маңызды шараларды атап өтті.
Амир Абдуллаһианның қазасынан кейін Иран Телерадио корпорациясы директорының сыртқы істер жөніндегі орынбасары Ахмад Ноурузидің бұйрығымен Ұлттық БАҚ ғимаратына марқұмның есімі берілді.
Ахмад Ноурузи аталмыш рәсімде: «Бүгін біз сыпайылық және кішіпейілділікпен сыртқы саясатты ең жақсы жолмен ілгерілеткен адамға құрмет көрсету үшін жиналдық»,- деді.
Иран Президенті Ибраһим Раиси, Сыртқы істер министрі Хоссейн Амир Абдуллаһиан және осы елдің басқа да жауапты тұлғалары мінген тікұшақ 19 мамырда Иранның солтүстік-батысындағы Верзеған ауданында апатқа ұшырады. Тікұшақ бортында болған сегіз адамның барлығы қаза тапты.
Тікұшақ ішінде Ибраһим Раиси, СІМ басшысы Хоссейн Амир Абдуллаһиан, Шығыс Әзірбайжан губернаторы Малек Рахмати, Тебриз қаласының жұма намазы имамы аятолла Мохаммад Әли әл Хашем, Президенттік қауіпсіздік бөлімшесінің қолбасшысы Сейед Маһди Мусави және тікұшақтың басқа да экипаж мүшелері болды.



















