Сионистік режимнің Ливанға қарсы жүргізген соғысынан туындаған шығын 14 миллиард долларға бағаланды.
Еуразия Тудейдің хабарлауы бойынша, бұл туралы Ливанның Көлік және қоғамдық жұмыстар министрі Файез Рассамни Израильдің еліне қарсы жасаған соғыстарынан туындаған шығындарды есептеп, мәлімдеді.
Файез Рассамни: “Израиль армиясы жоқ аймақтарда үйінділерді тазарту жұмыстары басталды. Қираған ғимараттарды қалпына келтіру үшін Дүниежүзілік банкпен бірлесіп жұмыс жүргізіліп жатыр”, — деді.
Сондай-ақ, Ливанның Көлік және қоғамдық жұмыстар министрі Бейруттағы Ресей Елшісі Александр Рудаковпен кездесуіне тоқталып: “Ресей Елшісімен кездескен кезде ол Ливанға көмек ұсынып, бізді екі ел арасындағы тиімді экономикалық ынтымақтастық үшін Ресейге келуге шақырды”, — деді.
Мұның алдында Ливанның Экономика және сауда министрі Амин Салам “Россия әл-Яум” телеарнасына берген сұхбатында Израильдің соғысы салдарынан еліне келтірілген тікелей және жанама шығынның шамамен 15 миллиард долларды құрайтынын айтты.
Саламның айтуынша, бұл залалға басқыншылық салдарынан туындаған ауқымды қираулар, тұрғын үйлердің, мемлекеттік нысандар мен инфрақұрылымның қирауы, сондай-ақ Ливанға келтірілген жанама залал жатады.



















