Клаудия Шейнбаум сайлауда жеңіске жеткен Мексиканың алғашқы әйел президенті болды.
Еуразия Тудейдің хабарлауы бойынша, Мехиконың бұрынғы мэрі және «Морена» партиясының өкілі Клаудия Шейнбаум Мексиканың алғашқы әйел президенті болып сайланды.
Клаудия Шейнбаум осы елдің сайлау комиссиясы жүргізген санаққа сәйкес кем дегенде 58,3 пайыз дауыс жинады.
Қазіргі президент Лопес Обрадордың билеуші партиясының өкілі 61 жастағы Клаудия Шейнбаум Лопес Обрадордың саясатын жалғастыруға және дамытуға уәде берді.
Оның сайлауалды бағдарламасының негізгі тармақтарының бірі — қылмысқа қарсы күрес.
Мехико қаласының мэрі ретінде Клаудия Шейнбаум елордадағы қасақана кісі өлтіру санын отыз жылдан астам уақыттағы ең төменгі деңгейге дейін төмендете алды және бұл тәжірибені бүкіл елге таратпақ.
Сондай-ақ, Шейнбаум барлау және тергеу қызметтерінің жұмысына баса назар аударуға да уәде береді.
Физик ретінде танымал Шейнбаум 2007 жылы климаттың өзгеруі жөніндегі үкіметаралық топтың мүшесі ретінде ұжымдық Нобель сыйлығының иегері атанды.
1 қазанда қызметіне кірісетін Шейнбаум Солтүстік Америкадағы, яғни, АҚШ, Мексика және Канададағы жалпы сайлауда жеңіске жеткен алғашқы әйел болды.
Еске сала кетейік, жексенбі күні Мексикада президент сайлауы өтті.



















