Өзбекстан астанасы Ташкент қаласында шілденің 15-16 күндері Түркіменстан өнімдерінің көрмесі ұйымдастырылады.
Бұл туралы Еуразия Тудей Түркіменстан Премьер-министрінің орынбасары Батыр Атдаевтың Үкімет отырысында жасаған мәлімдемесіне сілтеме жасап хабарлайды.
Үкімет отырысында Батыр Атдаев Түркіменстан мен Өзбекстан бірлескен комиссиясы және қос ел кәсіпкерлері кеңесінің отырысы аясында шілденің 15-16 күндері Ташкент қаласында «Түркіменстан өнімдері» атты көрме өтетінін айтты.
Түркіменстан Премьер-министрі орынбасарының айтуы бойынша, аталмыш шара Түркіменстан мен Өзбекстан арасындағы ынтымақтастықты одан әрі арттыру жөніндегі бірлескен іс-шаралар жоспарына сәйкес ұйымдастырылып отыр.
Батыр Атдаев отырыста сөйлеген сөзінде Түркіменстан Президенті Сердар Бердімұхамедов Өзбекстанның Түркіменстан елінің жетекші серіктесі екенін атап, сауда-экономикалық, ғылыми-техникалық және мәдени ынтымақтастық жөніндегі Түркіменстан мен Өзбекстан бірлескен комиссиясының 18-ші отырысына және қос ел кәсіпкерлері кеңесінің кезекті отырысына қажет дайындық жұмыстарын жүргізуді тапсырғанын айтты.
Түркіменстан Премьер-министрінің орынбасары сонымен қатар сауда-экономикалық байланысты нығайту және шетелдермен өзара тиімді ынтымақтастықты кеңейту бойынша жүргізіліп жатқан жұмыстар туралы баяндады.
Баяндаманы тыңдаған Сердар Бердімұхамедов елінде және шетелде өткізіліп жатқан халықаралық іс-шаралар сауда-экономикалық қатынастың дамуына ықпал ететінін айтты.



















