Мемлекет басшысы Қасым-Жомарт Тоқаев пен Ресей Президенті Владимир Путин телефон арқылы сұхбатта, ШЫҰ саммитіне дайындықты талқылады.
Бұл туралы Кремльдің баспасөз қызметіне сілтеме жасап Sputnik агенттігі хабарлады, деп жазады Еуразия Тудей сайты.
«Сауда-экономикалық, энергетикалық және көліктік-логистикалық салалардағы өзара іс — қимылдың өзекті мәселелері талқыланды», — делінген хабарламада.
Телефон арқылы сұхбатта халықаралық тақырыптар, оның ішінде ағымдағы жылдың шілде айында Астанада Шанхай ынтымақтастық ұйымына мүше мемлекеттер басшылары Кеңесінің жоспарланған отырысына дайындық барысы талқыланды.
Екі ел президенттері Қазақстан-Ресей стратегиялық әріптестік пен одақтастық қатынастарын жан-жақты нығайтуға деген өзара көзқарасты растады.
Ақорда баспасөз қызметінің мәліметінше, Қасым-Жомарт Тоқаев пен Владимир Путин халықаралық күн тәртібіндегі өзекті мәселелер бойынша пікір алмасып, алдағы кездесулер кестесіне сәйкес жазбаларды салыстырды.
Еске сала кетейік, 4 шілдеде Астанада өтетін Шанхай ынтымақтастық ұйымына мүше мемлекеттердің мемлекет басшылары Кеңесінің отырысы барысында Ұйымның маңызды шешімдері қабылданып, бірқатар құжат бекітіледі деп күтілуде.



















