Ресей Жоғарғы соты Талибан қозғалысын лаңкестік ұйымдар тізімінен алып тастады.
Еуразия Тудейдің ТАСС агенттігіне сілтеме жасап хабарлауы бойынша, Жоғарғы сот 17 сәуір күні Ресей Федерациясы Бас Прокуратурасының Талибан қозғалысының қызметіне тыйым салуды тоқтату туралы талабын қанағаттандырды.
Жоғары Сот Олег Нефедов Ресей Федерациясының Жоғарғы Сот шешімімен лаңкестік ұйым деп танылған Талибан қозғалысының қызметіне бұрын енгізілген тыйымның алынғаны туралы шешімді оқыды.
Нефедовтың айтуынша, сот шешімі дереу орындалуы тиіс.
Отырыс жабық режимде өткен.
Айта кетейік, Талибан қозғалысы 2003 жылдан бері Ресейдің лаңкестік ұйымдар тізімінде болған. Ресейдің Бас прокуратурасы 2025 жылдың 31 наурызында Жоғарғы сотқа Талибанды лаңкестік ұйымдар тізімінен алып тастау туралы ұсыныс берді.
Бұған дейін Ресей Сыртқы істер министрлігі мен Әділет министрлігі 2024 жылы Талибанды тыйым салынғандар тізімінен алып тастауға болатыны жөнінде Владимир Путинге баяндама жасаған болатын.
2024 жылдың желтоқсан айында Владимир Путин Талибанды Ресейде тыйым салынған ұйымдар тізімінен шығаруға мүмкіндік беретін заңға қол қойды.



















