Татарстан астанасы Қазан қаласында Мәскеу форматындағы Ауғанстан бойынша кездесу 29 қыркүйекте өтетіні белгілі болды. Бұл туралы 13 қыркүйекте Ресей СІМ ресми өкілі Мария Захарова хабарлады.
Шығыс экономикалық форумы аясындағы брифингте сөйлеген сөзінде Мария Захарова «Мен Мәскеу форматындағы Ауғанстан бойынша кездесудің өткізілуін растағым келеді және кездесу 29 қыркүйекте Қазан қаласында өтеді. Бұл Ауғанстан бойынша кезекті Мәскеулік форматындағы консультациялардың V отырыс болады», — деді.
Мария Захарованың сөзінше, консультациялар барысында Ауғанстандағы ағымдағы жағдай, ауғанаралық татуласу, өңірлік қауіпсіздікті қамтамасыз ету, елді қалпына келтіру мәселелерін талқылау жоспарлануда.
Мәскеу форматындағы ауған мәселесі бойынша келіссөздер механизмі 2017 жылы Ресей, Ауғанстан, Қытай, Пәкістан, Иран мен Үндістанның қатысуымен құрылды.



















