Ирандық Fly Kish әуе компаниясы Тегеран мен Ереван қалалары арасында тұрақты әуе қатынасын іске қосты.
Еуразия Тудейдің хабарлауы бойынша, Fly Kish әуе компаниясы 19 желтоқсаннан бастап аталған бағыт бойынша рейстерді орындай бастады. Бұл ақпаратты “Армения халықаралық әуежайлары” жабық акционерлік қоғамы ресми түрде растады.
Жаңа бағыттағы рейстер аптасына екі рет — дүйсенбі және жұма күндері жүзеге асырылады. Армения мен Иран арасындағы қарым-қатынас өзара құрмет, сенім және тату көршілік қағидаттарына негізделген.
Иран мен Армения арасындағы дипломатиялық қатынас 1992 жылдың 9 ақпанында орнатылды. Бұл қатынас белсенді түрде дамып, бүгінде стратегиялық сипатқа ие болды.
Айта кетейік, Иран Президенті Масуд Пезешкиан осы жылдың тамыз айында Арменияға ресми сапармен барды.


















