Түркия Сыртқы істер министрінің орынбасары Нух Йылмаз мен Иран Сыртқы істер министрінің орынбасары Саид Хатибзаде Анкарада кездесіп, келіссөз жүргізді.
Еуразия Тудейдің хабарлауы бойынша, Түркия Сыртқы істер министрінің орынбасары Нух Йылмаз Иран Сыртқы істер министрінің орынбасары, Саяси және халықаралық зерттеулер институтының басшысы Саид Хатибзадемен кездесіп, екіжақты қарым-қатынас және аймақтық оқиғаларды талқылады.
Түркия Сыртқы істер министрлігінің мәліметінше, тараптар Анкара қаласында кездесіп, келіссөз жүргізді.
Кездесуде тараптар жалғасып жатқан Израиль басқыншылығына тоқталып, Газа секторының мазлұм халқына дереу көмек көрсетіп, аймақтағы қоршауды жою үшін халықаралық күш-жігерді күшейту қажеттігін қуаттады.
Хатибзаде Түркия Үкіметі мен халқының Израильдің Иранға қарсы басқыншылығын айыптаудағы ұстанымына ризашылық білдірді.
Нух Йылмаз Анкараның Тегеранмен қарым-қатынасты тереңдетуге мүдделі екенін қуаттап, Палестина халқына қолдау көрсетуде ынтымақтасуға дайын екенін айтты.


















