Қырғызстан Президенті Садыр Жапаров Өзбекстанның Премьер-министрі Абдулла Ариповты қабылдады.
Абдулла Арипов Қырғызстан мен Өзбекстан арасындағы ынтымақтастық жөніндегі бірлескен үкіметаралық комиссияның 10-шы отырысына қатысу үшін Қырғызстанға келді.
Кездесу барысында тараптар Бішкек пен Ташкент арасындағы саяси, сауда-экономикалық, мәдени-гуманитарлық және өзара қызығушылық тудыратын басқа да салалардағы ынтымақтастықты одан әрі кеңейту және тереңдету туралы пікір алмасты.
Қырғызстан Президенті екі ел арасындағы екіжақты ынтымақтастықтың барлық бағыттары бойынша бұрын-соңды болмаған оң өзгерістер орын алғанын атап өтіп, Өзбекстан Президенті Шавкат Мирзиеевтің осы бірлескен жетістіктердегі айрықша және маңызды рөлін атап өтті.
Садыр Жапаров соңғы жылдары екі ел арасындағы өзара саудада байқалып отырған үдемелі өсімді қанағаттандыра отырып, талқыланған мәселелер мен қол жеткізілген уағдаластықтар екі елдің үкіметтері деңгейінде толық көлемде іске асырылатынына сенім білдірді.
Өз кезегінде Абдулла Арипов Өзбекстан Президенті Шавкат Мирзиеевтің жылы лебізін білдірді.
Айта кетсек, бүгін, 16 тамызда Шолпан-Ата қаласында Қырғызстан мен Өзбекстан арасындағы үкіметаралық комиссияның 10-шы отырысы өтеді.



















