Өзбекстан азаматтары келесі айдан бастап БАӘ-де шекарадан өткен кезден бастап 30 күнге дейін визалық талаптардан босатылады.
Бұл туралы kz.eurasiatoday.ru агенттігінің тілшісі Өзбекстан Сыртқы істер министрлігінің сайтына сілтеме жасап хабарлайды.
Министрліктің ресми сайтының мәлімдеуінше, 2024 жылғы 16 қаңтарда Өзбекстан мен Біріккен Араб Әмірліктері үкіметтері БАӘ-нің Сыртқы істер министрлігінде кездесіп, екі ел арасында визасыз режим енгізу жөніндегі ынтымақтастық хаттамасына қол қойды.
Визалық талаптардан босату жөніндегі хаттамаға Өзбекстанның БАӘ-дегі Төтенше және Өкілетті Елшісі Абдулазиз Аккулов пен БАӘ Сыртқы істер министрінің орынбасары Халид Абдулла Белхул қол қойды.
Аталмыш құжат ресми түрде 2024 жылдың 16 ақпанында күшіне енеді.
Өзбекстан БАӘ-мен визалық талаптардан өзара босату туралы ынтымақтастық құжатына қол қою арқылы визасыз елдердің санын 29-ға дейін арттырды.
Осылайша, Өзбекстан Global Passport Power рейтингінде 71-орынға көтерілді.



















