Олжас Бектенов басқаратын жаңа Үкіметтің құрамында бұрынғы министрлердің көбі орнында қалды.
Министрлер кабинетінде көп өзгеріс болған жоқ. Президент Қасым-Жомарт Тоқаевтың Жарлығы ресми ақпарат құралдарында жарияланды.
Төрт министр ауысты
Жаңа Үкіметте тек төрт министр ауысты.
Төтенше жағдайлар министрі Сырым Шәріпхановтың орнына Шыңғыс Арынов тағайындалды.
Сырым Шәріпханов 2023 жылдың маусымында министр болып тағайындалған еді. Жуырда Алматыда болған жер сілкінісінен кейін Төтенше жағдайлар министрлігі көп сынға іліккен болатын.
Денсаулық сақтау министрі болып Ақмарал Әлназарова тағайындалды. Бұған дейін бұл министрлікті Ажар Ғинаят басқарған болатын.
Қаржы министрі Ерұлан Жамаубаевтың орнына Мәди Тәкиев жайғасты.
Ұлттық экономика министрі Әлібек Қуантыровтың орнына «Бәйтерек» холдингінің басшысы қызметін атқарған Нұрлан Байбазаров келді.
Қаржы министрлігі мен Ұлттық экономика министрлігінің басшыларын ауыстыру ел экономикасындағы түйткілді мәселелерді шешу үшін жасалған шешім болуы мүмкін.
Өз орнын босатпаған министрлер:
Роман Скляр – премьер-министрдің бірінші орынбасары;
Мұрат Нұртілеу – премьер-министрдің орынбасары – сыртқы істер министрі;
Серік Жұманғарин – премьер-министрдің орынбасары;
Тамара Дүйсенова – премьер-министрдің орынбасары;
Руслан Жақсылықов – Қорғаныс министрі;
Ержан Саденов – Ішкі істер министрі;
Азамат Есқараев – Әділет министрі;
Алмасадам Сәтқалиев – Энергетика министрі;
Ғани Бейсембаев – Оқу-ағарту министрі;
Айдарбек Сапаров – Ауыл шаруашылығы министрі;
Бағдат Мусин – Цифрлық даму, инновациялар және аэроғарыш өнеркәсібі министрі;
Ерлан Нысанбаев – Экология және табиғи ресурстар министрі;
Ғалымжан Қойшыбаев – Премьер-министрдің орынбасары – аппарат жетекшісі.
Саясат Нұрбек – Ғылым және жоғары білім министрі.
Алмасадам Сәтқалиев – Энергетика министрі.
Аида Балаева – Мәдениет және ақпарат министрі.
Ермек Маржықпаев – Туризм және спорт министрі.
Марат Қарабаев – Көлік министрі.
Светлана Жақыпова – Еңбек және халықты әлеуметтік қорғау министрі.
Айбек Дәдебаев – Президент әкімшілігінің жетекшісі.
Қанат Шарлапаев – Құрылыс және өнеркәсіп министрі.
Арман Шаққалиев – сауда және интеграция министрі.



















