Бүгін, ақпанның 7 күні Әзірбайжанда мерзімінен бұрын Президент сайлауы өтіп жатыр.
Президенттік сайлаудың өтетінін Илһам Әлиев тура екі ай бұрын мәлімдеген еді.
Әзірбайжандағы оппозиция өкілдері «нәтижесі алдын ала белгілі сайлауға» қатыспайтындарын айтып, сайлауға байкот жариялады.
Илһхам Әлиев 2003 жылы әкесі Гейдар Әлиевтің орнын басты. Ел оппозициясы «кіші» Әлиев те әкесі сияқты авторитарлық режимді одан арман жандандырып, елді қырағы бақылауында ұстап отыр деп санайды. Қарабақты Армениядан қайтарып алған соң, Әлиевтің ел ішіндегі ықпалы тіпті күшейе түсті деген болжам жиі айтылады.
Көпшілікті бұл сайлауда Әлиев қанша пайыз дауыс жинайды деген сұрақ қызықтырып отырғаны байқалады.
Ол 2008 жылғы сайлауда 89 пайыз дауыс жинады. 2013 жылы 85 пайыз, ал 2018 жылғы сайлауда 86 пайыз дауыс алды.



















