ҚР Премьер-Министрі Әлихан Смайылов Ташкентте Экономикалық ынтымақтастық ұйымының 16-шы саммиті қарсаңында Өзбекстан Президенті Шавкат Мирзиёевпен кездесті.
Primeminister.kz сайтының мәліметі сәйкес, ҚР Премьер-Министрі Әлихан Смайылов Өзбекстанды Қазақстанның ең ірі сауда серіктестерінің бірі деп атап, өзара сауданы 10 млрд долларға жеткізу бойынша белсенді жұмыс істеп жатқанын айтты.
Ол Қазақстан Үкіметі екіжақты өзара іс-қимылдың барлық спектрі бойынша Өзбекстанмен ынтымақтастықты серпінді дамытуға бар күш-жігерін салатынын айтты.
Өз кезегінде Өзбекстан Президенті Шавкат Мирзиёев екі ел арасындағы стратегиялық ынтымақтастық, атап айтқанда сауда, көлік және су шаруашылығы саласындағы уағдаластықтар жүйелі түрде жүзеге асырылып жатқанын атап өтіп, Өзбекстан-Қазақстанның стратегиялық серіктестік пен одақтастық қарым-қатынастарының қарқынды дамып келе жатқанын қанағаттанушылықпен атап өтті.



















