2024 жылғы 21 ақпан мен 3 наурыз аралығында Қазан қаласының тарихында алғаш рет халықаралық деңгейдегі «Болашақ ойындары» атты жарыс өтеді.
Қазан қаласының Спорттық және әлеуметтік жобалар дирекциясының мәліметінше, жарысқа 107 елден келген 227 командадан тұратын 2 мыңға жуық спортшы қатысады деп күтілуде.
«Болашақ ойындары» Қазан қаласының он алаңында өтеді. Жарыс спорт, тактика, стратегия, технология және жылдамдық санаттарына бөлінеді.
Физиологиялық және цифрлық жарыстарды біріктіретін жаңа форматтағы жарыс 21 инновациялық бағыт бойынша өткізіледі. Олардың әрқайсысы физиологиялық және цифрлық ұғымды сипаттайды.
21 ақпан күні іс-шараға қатысу үшін Татарстанға Беларусь Президенті Александр Лукашенко, Қазақстан Президенті Қасым-Жомарт Тоқаев, Қырғызстан Президенті Садыр Жапаров, Өзбекстан Президенті Шавкат Мирзиеев және Тәжікстан Президенті Эмомали Рахмон барады деп жоспарлануда.
Сондай-ақ, ТМД елдерінің көшбасшыларымен қатар шараға Азия мен Таяу Шығыс елдерінің өкілдері де қатысуы мүмкін.
Айта кетсек, «Болашақ ойындары» халықаралық турнирінің шетелдік қатысушыларының алғашқы легі Қазан қаласына 15 ақпан күні келді.
















