Өзбекстанға ресми сапармен келген Франция Республикасының Президенті Эмманюэль Макрон Өзбекстан Республикасының Президенті Шавкат Мирзиеевпен бірге түнгі Самарқандты тамашалады.
Мемлекет басшылары ЮНЕСКО-ның Бүкіләлемдік мұралар тізіміне енген Регистан кешенін аралады.
Жоғары мәртебелі мейманға Шығыс сәулет өнерінің осынау жауһарының құрылыс тарихы, қайталанбас нақыштары, осы мекенге қатысты оқиғалар мен тұлғалар туралы айтылды.
Эмманюэль Макронның сапары Самарқандта өтуі және Регистаннан бастау алуы кездейсоқ емес. Бұл мекенде екі халықтың тарихи ортақтығын бейнелейтін қырлары көп.
Сондай-ақ президенттер «Ұлы Жібек жолы» халықаралық туристік орталығындағы «Мәңгілік қала» тарихи-этнографиялық кешенін аралады.
Самарқанд қаласы әлемдік өркениеттің көне бесігі болып, бүгінде халықаралық саммит пен туризм орталығына айналып келе жатқаны айтылды. Қонақтарға Өзбекстан халқының ерекше өнері, қолөнері, музыкалық мәдениеті көрсетілді.
Сапардың негізгі бөлігі, соның ішінде жоғары деңгейдегі келіссөздер бүгін, 2 қарашада өтеді.



















