Халықаралық футбол федерациялары қауымдастығының басшысы (ФИФА) Джанни Инфантино Астанаға арнайы келеді. Бұл туралы Қазақстан Футбол федерациясының баспасөз қызметі хабарлады. Осы мәліметке сәйкес ресми сапар 3 мамырға жоспарланған.
Халықаралық футбол федерациялары қауымдастығы басшысының Қазақстанға сапары аясында ел аумағында ФИФА қызметін дамыту бойынша халықаралық іс-шараларды ұйымдастыру мәселелерін талқылап, сонымен қатар Орталық Азия футбол қауымдастықтары арасында ынтымақтастықты арттыру алға қойылмақ.
Джанни Инфантино үшін Халықаралық футбол федерациясының басшысы қызметінде Қазақстанға алғашқы сапары болмақ.



















