Мысыр премьер-министрі Мустафа Мадбули осы елдің Министрлер Кабинетінің отставкасын ел Президенті Абдел Фаттах ас-Сисиге табыс етті.
Еуразия Тудейдің хабарлауы бойынша Мустафа Мадбули Министрлер кабинетін отставкаға жіберу туралы өтінішті Президентке кеше, маусымның 3 күні берді.
Абдел Фаттах ас-Сиси Мадбулиді қайтадан премьер министр етіп тағайындап, оған жаңа Министрлер кабинетін құру жауапкершілігін жүктеді.
Ас-Сиси Мадбулиден осы елдің айқын мақсаттарына жету үшін және аймақтық және халықаралық сын-қатерлерде Мысырдың ұлттық қауіпсіздігі сақталуы үшін жаңа үкіметке білікті, тәжірибелі және ерекше қабілетті адамдарды жұмысқа тартуды сұрады.
Осы елдің келесі мақсаттарының қатарында Мысыр азаматтары үшін маңызды салалардағы басымдықтар, атап айтқанда денсаулық сақтау мен білім беру, терроризммен күрес және т.б. бар.
Жасы жетпіске таяп қалған Абдел Фаттах әс-Сиси Мысырдың алтыншы президенті. Ол 2023 жылдың желтоқсан айында өткен президент сайлауында 89,6 пайыз дауыс жинап, жеңіске жетті. Оның жаңа президенттік мерзімі ресми түрде 3 сәуірде басталды. Ол енді осы елде 2030 жылға дейін президент болады.
Мадбули премьер-министр қызметін 2018 жылдан бері атқарып келеді.
Мысырдың жаңа министрлер кабинетін қашан құратын уақыты әлі жарияланған жоқ.



















